آزادی

کیوں بئی نہالیا آزادی نہیں ویکھی نہ بئی بھراوا نہ کھادی نہ دیکھی میں جگو توں سنیا امبالے کھڑی سی بڑی بھیڑ اسدے دوآلے کھڑی سی آئی نوں تاں بھاویں تیا سال بیتا اسیں تاں اجے تکّ درشن نہیں کیتا دلی ’وچ آؤندی ہے سردی دی رُتے تے ہاڑاں ’چ رہندی پہاڑاں دے اُتے غریباں نال لگدی لڑی ہوئی آ خورے امیراں دے ہتھیں چڑھی ہوئی آ خورے اخباراں ’چ پڑھیا جروانی جیہی اے کوئی سوہنی تاں نہیں ایویں کانی جیہی اے منے جے اوہ کہنا اسیں وی منگائیے چھناں تے ڈھاریاں ’چ بھنجے سوائیے پر اینا پتہ نہیں کی کھاندی ہُندی اے کیہڑی چیز توں دل چراندی ہُندی اے شملے تاں اوس اگے آنڈے ہُندے نے بئی ساڈی تاں کھرلی ’چ ٹانڈے ہندے نے