زندہ باد او پاکستان

چِیجی مَنگن بال ایانے مُنہ چ پاندے ویکھ سیانے ریڈیو اُتّوں سُنو قوالی اﷲ راکھا، پَنج تَن والی جِدھر ویکھو سِگرٹ پان زِندہ باد او پاکِستان چرس افیم دے ٹھیکے کُھلّے پِیو کھاؤ لُٹّو بُلّے پانی پا دِیو اپنے چُلّھے سَوں جاؤ لَے کے اُتّے جُلّے جگہ جگہ تے چھولے نان زِندہ باد او پاکِستان بُوہے بند مَسِیتاں دے نیں مُلّاں مارے نِیتاں دے نیں جھگڑے پَئے ریتاں دے نیں پاکاں نال پلِیتاں دے نے ڈَنگوں ڈَنگ ہوئے اِنسان زِندہ باد او پاکِستان سُنّیاں وَلوں ہویا اِعلان وہابی ہو گیا کُل جہان کِتھے ٹُر گئی اَج پچھان جو بولے سو نا فرمان وَکھرو وَکھری لگّے تان زِندہ باد او پاکِستان ساڈے مُلک دے نوجوان بَھنگی چرسی تے بَھلوان فَیشن ہے ایہناں دی جان گِیت ہجر دے گاندے جان مِٹی رول دے اپنی شان زندہ باد او پاکِستان