جی او جی، میرے شہر لہورا، جی

جی او جی، میرے شہر لہورا، جی جی او جی میرے شہر لہورا جی رنگ رنگیلا، چَھیل چَھبِیلا تیرا اِک اِک جی جی او جی، میرے شہر لہورا، جی جی او جی، میرے شہر لہورا، جی ہور شہر کِیہ تیرے اَگّے تیرے وِچ اِک دِیوا جَگّے مُہر جِتّھے ولِیاں نُوں لگّے کہن تَینوں، دَاتا دِی نگری تَیتھوں وَدھ کے اَیتھے کِیہ؟ جی او جی، میرے شہر لہورا، جی رُتّاں آوَن، ویلے ویلے جَگہ جَگہ تے میلے ٹھیلے اٹّھ دنِاں وِچ نَو نَو میلے بُوہے بُوہے مجّھاں گاواں، کَھا مَکّھن تے لَسّیاں پی جی او جی، میرے شہر لہورا، جی چار چوفیرے پُھلّ پَئے مَہکَن سوہنے سوہنے پَنچھی چَہکَن تَینُوں ویکھ، فَرشتے سَہکَن تیرے وِچ نیں، لہراں بہراں کَدی نہ ہووے اُنّی ویہہ جی او جی، میرے شہر لہورا، جی جانی جان ایں، دور تُوں لَنگھے دا مائی باپ تُوں، بُھکّھے نَنگے دا رَکھوالا سوہنے جَھنڈے دا تیرے ویہڑے وَسدے رَسدے ہَسّن کھیڈن پُتَّر دِھی جی او جی، میرے شہر لہورا، جی تیرا جوبن، شوخ جوانی زَر دَولت تے آنی جانی شہر شہر وِچ، پَوے کہانی ویکھیا داؔمن! لہور نہ جِنھّے اوہنے ویکھیا، کِیہ؟ جی او جی، میرے شہر لہورا، جی!