خاک دے وچوں چانن چھلکے نور جیہا
جسراں وچ جڑھاں دے لکیا بور جیہا
ربی دکھ نے انج وسیب وسایا اے
ویکھو تے ہر ذرا اے کوہ طور جیہا
پلچھی دی جے ڈھاہنی ویکھی یاد آیا
والاں وچ سواندھا اوہ سندھور جیہا
میرا اتھرا جذبا نور نمازی سی
سدھا سادا سوہنا یار ظہور جیہا
ٹٹے دل دی ٹپری وچ آباد رہوے
شاہ رگ توں جو نیڑے وسے دور جیہا
پیر پیر تے سولی تھڑکیں نہ باوا
ننگے پیریں جیون پندھ کھجور جیہا
بشیر احمد باوا