اک اک دکھ وچ سورج ونے منظر نیں
اکھ جے بنے پجاری ذرے مندر نیں
ویلے دے پورس نوں پھڑ کے تتھ لیندے
ہمت والے جیہڑے بخت سکندر نیں
میرا اتھرو روڑھ نہ دیوے جگت تیرا
اس وچ لکھاں غم دے بند سمندر نیں
جو ویلے دی اکھ چوں سرما لین چرا
ہتھ چالاک اوہ چاتر لوک مچھندر نیں
محلاں والیوں گل اے ساری تقوے دی
ککھاں باجھوں پکھوواں کول کیہ سندر نیں
اوہ تقدیر جگانے لیکاں نہیں ویہندے
باوا لوکا جیہڑے مرد قلندر نیں
بشیر احمد باوا