آدمی مرد کدی بے آسے نہیں ہوندے

آدمی مرد کدی بے آسے نہیں ہوندے انکھی ہتھاں وچ جوں کاسے نہیں ہوندے روپ دا سورج سیک کے ٹھنڈے یخ رہندے سڑ جاون جد پیار چماسے نہیں ہوندے رت بہار خزاں دی ہووے پھلاں تے راتیں پنچھی پھل بھرواسے نہیں ہوندے ہتھ تے سرھوں جما کے سچ اچیاون جو آس دے لارے من دے واسے نہیں ہوندے اوہدے گھر وچ جوت الفت دی جگدی نہیں جس نانے دے گھار نواسے نہیں ہوندے پھلاں دی فطرت اے کھڑ کھڑ ہس پینا ماواں کچھڑ جھوٹے ہاسے نہیں ہوندے اوہناں عمل دا پیہن بنانا کیہ جنہاں جذبے جتے درد خراسے نہیں ہوندے اکھیاں وچ لکا کے ساگر باوا جی ندیاں روڑھو نین پیاسے نہیں ہوندے